Pashto Parstoday دا پاڼه نوره دوام نلری دا په بدله شوه
یکشنبه, 11 اکتبر 2015 10:43

د محرم الحرام د غمجنې میاشتې د رارسیدا په هکله د ارواښاد قنبر علی خان مرثیه

په عاشور چې نوی کیږي هر یو کال+++جهان ځکه شي دغم په پښو پایمال

چې ماه دمحرم راشي عاشور شي+++دتمام عالم په زړه پریوزي ملال

فلک چین په جبین راوړه له دې غمه+++که دغم صورت پیدا شه له هلال

دا هلال دی چې پیدا شه له شفقه+++که دظلم تورې واخیسته قتال

دا شفق دی دآسمان په مخ لیده شي+++که یې سور شه په ژړا سره رومال

شمس قمردي دآسمان په دامن کښې+++که له پښو دذوالجناح ولویده نال

محرم راغی ماتم شو دحسین+++اور شو پورې جبراییل په پر و بال

ددرګاه مقربان په غم کښې ډوب شول+++اثر وشو په حضرت ذوالجلال

چې به غرقه کارخانه کا سر تر سره+++په دا حال کښې شفیع شه نور دجمال

محمداودعلی نور یې شفیع کړه+++شفاعت وکړنبی دعلی آل

چې دوازده امام ظهور په دنیا وکا+++محمد مهدی ظاهر شی په دنبال

په دنیا کښې انتقام له غیور واخلی+++خیر وشرعمل به ورکا په مثقال

عاقبت به سر نګون په جهنم ځي+++په قیامت اهل نفاق جمع ضلال

دکوثر باده به نوش هغه کسان کا+++چې قربان تر اهل بیت کا سرومال

دقمبرعلی په زړه غم دحسین دی+++په دافکر امیدوار شه دوصال

مدحګو او مرثیه خوان قنبرعلی دی+++برګ سبز لویه تحفه لری مثال

Add comment


Security code
Refresh