Pashto Parstoday دا پاڼه نوره دوام نلری دا په بدله شوه
چهارشنبه, 03 آگوست 2016 05:26

ترکیې په پاکستان کښې دفتح الله ګولن دښوونځیو دبندیدا غوښتنه وکړه .

ترکیې په پاکستان کښې دفتح الله ګولن دښوونځیو دبندیدا غوښتنه وکړه .
زمونږ خبریال وایی پاکستان پرون دترکیې له خارجه وزیر مولودو چاوش اوغلو سره چې اسلام اباد ته ورغلی دی ژمنه وکړه پاکستان به دهغو ښوونځیو په باره کښې چې په امریکا کښې دیره له مسلمان مذهبی تبلیغی فتح الله ګولن سره اړه لری تحقیق وکړی .

خو دپاکستان دلومړی وزیر  دخارجی سیاست مشر سرتاج عزیز په دې هکله څه ونه ویل چې پاکستان به د ترکیې او پاکستان نړیوال ښوونځی او پوهنځی چې کابو لسو زرو(۱۰۰۰۰) کسانو ته درس ورکوی بند کړی او پاکستان دغه راز له ګولن سره هرډول ارتباط لرل رد کړل .

له پاکستان څخه د فتح الله ګولن د ښوونځیو دبندلو لپاره د ترکیې غوښتنه دفتح الله ګولن د ګټو او دهغه د مذهبی غورځنګ پرضد د  ولسمشر رجب طیب اردوغان د نړیوال کمپاین یوه(۱) برخه ده .

دترکیې ولسمشر رجب طیب اردوغان او نور حکومتی چارواکی په فتح الله ګولن او دهغه په پلویان تور لګوی چې دتیرې میاشتې په ناکامه پوځی کودتا کښې لاس لری چې له کبله یې دوه سوه دیرش(۲۳۰) کسان وژل شوی هم وو .

په امریکا کښې دترکیې دیره مذهبی مشر فتح الله ګولن په ناکامه پوځی کودتا کښې لاس لرل ردوی .

په امریکا کښې دیره دترکیې د  مذهبی مشر فتح الله ګولن  خذمت ګوند ددنیا په کابو یوسل شپیتو(۱۶۰) هیوادونو کښې کابو دوه زره(۲۰۰۰) تعلیمی ادارې چلوی او په پاکستان کښې هم په لسګونو ښوونځی او پوهنځی لری .

Add comment


Security code
Refresh