Pashto Parstoday دا پاڼه نوره دوام نلری دا په بدله شوه
چهارشنبه, 03 آگوست 2016 06:21

دایران اسلامی جمهوریت د لبنان دملی وحدت ملاتړ کوی .

دایران اسلامی جمهوریت  د لبنان دملی وحدت ملاتړ کوی .
ایرنا خبری اژانس وایی د ایران داسلامی شورا د خارجی سیاست او د ملی امنیت دکمیسیون مشر علاالدین بروجردی او ورسره پلاوی پرون لبنان ته دخپل سفر په دوهمه(۲) ورځ له لومړی وزیر تمام سلام سره کتنه وکړه او ددوه اړخیزه اړیکو او د سیمې دبدلونونو په هکله یې ورسره خبرې وکړې .

دایران دغه چارواکی او  ورسره پلاوی دلبنان له لومړی وزیر سره په کتنې  کښې د عراق او سوریې په شمول دسیمې د مختلفو بدلونونو او په ترکیې کښې دپوځی کودتا ، او د کیمپ ډیویډ د تړون په باره کښې چې د صهیونیسټ رژیم او دمصر ترمینځ د سازباز لپاره لاسلیک شوی دی خبرې کړی دی .

دایران د اسلامی شورا دخارجی سیاست او دملی امنیت  دکمیسیون مشر بروجردی ټینګار وکړ ما د لبنان له لومړی وزیر تمام سلام سره په کتنې  کښې له صهیونیسټ رژیم سره  چې د اسلامی او عربی امت اصلی او دلومړۍ درجې دښمن ګڼل کیږی دسیاسی اړیکو د عادی کیدا لپاره د سعودی عربستان د رژیم په قصدی اقداماتو خواشینۍ څرګنده کړی ده .

Add comment